Ер адам әкесін аяусыз соққыға жыққаны үшін қамауға алынды

Әлеуметтік желіде тараған видеодан ер адамның аяғына тұра алмаған қарияға жекіп сөйлеп, оны жұлқып жатқанын көруге болады. Тіпті сабап жатқан дыбыстар естілген, - деп хабарлайды "Opennews.kz" ақпарат агенттігі.

Желі қолданушыларының айтуынша, жағаұстатарлық жағдай Түркістан облысының Шардара қаласында болған. Олар видеодағы әкесі мен баласы екенін айтады.

Ер адам жуындырғалы жатқан қартты балағаттап, “екі қабырғаңды сындырамын” деп қорқытты. Енді бір кадрдан ақсақалдың жолдың үстінде аяққа тұра алмай отрығанын көруге болады.

Автор видеоны жасырын түсірген. Үшінші кадрда адамдарың не істеп жатқаны анық көрінбегенімен, соққының дыбысы шығып жатты. Ақырында қария жақын күндері көз жұмған.

Желі қолданушыларының сөзінше, видеодағы ер адам - көпке танымал асаба. Сондай-ақ баласынан қорлық көрген қарияның қайтыс болғанын жазды.

Түркістан облысы полиция департаменті болған жағдайға қатысты қылмыстық іс қозғады.