Тері астындағы құпия: жаңа дәуір ме, әлде қауіпті ойын ба?

Қазақстандық ер азамат жеке мәліметтерін тері астындағы чипке енгізген, - деп хабарлайды "Opennews.kz" ақпараттық агенттігі. 

Әлеуметтік желілерде қызу талқыған түскен бұл видеода Темірлан есімді жігіт сол қолында домофон кілті, оң қолында түйіндемесі мен жеке ақпараты бар чиптердің орналасуын көрсетіп, ішіндегі мәліметтерді егжей-тегжей сипаттайды. Телефонды оң қолына тигізгенде барлық ақпарат бірден экранда пайда болып, оны лезде жіберуге мүмкіндік туады. Әріптесі Дана Тлеуп бұл әрекеттен қорқатынын айтып, мұндай тәжірибені жасамайтынын жеткізді. Желі қолданушылары да деректерді осылай сақтау қауіпті деп санап, технологияны насихаттауға қарсы шықты.