Жеке сот орындаушысы өндіріп алушыға тиесілі 370 миллион теңгені жымқырды
1 530
Алматы қаласында жеке сот орындаушы өндіріп алынуы тиіс қаражатты заңсыз иемденгені үшін жауапқа тартылды,-деп хабарлайды Opennews.kz ақпарат агенттігі.
Тергеу деректеріне сәйкес, сот орындаушы қызмет бабын пайдаланып, өндіріп алушыларға тиесілі 370 миллион теңгеден астам ақшаны өз пайдасына бағыттаған. Сонымен қатар, ол Range Rover маркалы автокөлікті заңсыз иемденіп, иесіне 19 миллион теңгеден астам шығын келтірген.
Алмалы аудандық сотының үкімімен күдіктінің қылмыстық жолмен тапқан мүлкі тәркіленіп, ол 8 жылға бас бостандығынан айырылды. Сонымен қатар сот орындаушысы қызметін атқаруға уақытша тыйым салынды. Аталған үкім әлі заңды күшіне енген жоқ.
