Әйел өз баласын ұрып видеоға түсіріп, бұрынғы күйеуіне жіберген
1 504
Алдын ала мәлімет бойынша, әйел видеоны бұрынғы күйеуінен кек алу үшін түсіріп, жіберген. Видеодан баланың маңдайы ісіп кеткенін, оны аямайтынын айтып, бетінен ұрып жатқаны байқалады,- деп хабарлайды Оpennews.kz ақпарат агенттігі.
Тараз қаласының полициясы осы жағдай бойынша тексеру бастаған.
“Балаға сот-медициналық сараптама тағайындалды. Полицияда барлық қажетті тергеу әрекеттері жүргізіліп, оның қорытындысы бойынша процессуалдық шешім қабылданады”, – деп мәлімдеді полиция.
“Балалар Балалар үйіне орналастырылды. Онда олардың қауіпсіздігі, күтімі және қажетті медициналық көмегі толық қамтамасыз етілген. Қазіргі уақытта олар мамандардың бақылауында, жағдайлары тұрақты деп бағаланып отыр”, – деп мәлімдеді ведомство.
Ведомство өкілдері балаларға қатыгездік көрсетуге жол берілмейтінін атап өткен. Сондай-ақ кінәлі тұлғалардың барлығы заңға сәйкес жауапкершілікке тартылады деп сендірген.
Ата-ана құқықтарынан айыру мәселесі Кәмелетке толмағандардың істері және олардың құқықтарын қорғау жөніндегі комиссияда қаралады.
