Қаз
Рус
Қала көшелерінде жалаңаш ер адам көзге түскен
1 518
Жамбыл облысы Қордай ауылында ер адам көшеде жалаңаш жүрген,- деп хабарлайды Оpennews.kz ақпарат агенттігі.
Оқиға 11- ші ақпан күні күндіз ауылдың орталығында болған. Куәгерлер түсірген бейнежазбалар әлеуметтік желіде тарап кеткен.
Қоғамдық тәртіпті әдейі бұзған ер адамның жеке басы анықталып, ол полиция бөліміне жеткізілген.
“Құқық бұзушыға қатысты “Қоғамдық орында мас күйде жүру” және “Ұсақ бұзақылық” баптары бойынша әкімшілік іс қозғалды. Оның әрекеті қоғамдық тәртіпті өрескел бұзып, айналасындағыларға құрметсіздік танытты. Материалдар сотқа жолданды”, – делінген хабарламада.
Полиция департаменті мұндай әрекеттердің заңға қайшы екенін атап өткен.
“Қоғамдық орын – білгенін істейтін жер емес. Мінез-құлық нормаларын әдейі елемеген әрбір адам жауапкершілікке тартылады”, – деп ескертті ведомство.
