Ер адам өз бүйрегін 13 млн теңгеге сатпақ болған
1 513
Түркістан қаласының тұрғыны өзінің бүйрегін сатпақ болған,- деп хабарлайды Оpennews.kz ақпарат агенттігі.
Былтыр ақпанда ер адам өзінің бүйрегін сататынын айтып, телеграм арнасына жарнама жасаған.
"Сотталушыдан бүйрегін сатып алмақ болып, ішкі істер органдарының қызметкері жасырын келіседі. Ер адам 13 млн теңгеге сатуға келісіп, 5 млн теңге ақша қаражатын қолма-қол алу барысында ұсталған", - дейді сотта.
Іс Түркістан қаласының ауданаралық сотында қаралған. Тағылған айып - "Трансплантациялау не өзгедей пайдалану үшін тірі адаманың ағзаларына қатысты заңсыз мәмілелер жасауға оқталу".
Сотталушы өз кінәсін толық мойындап, бұл әрекетке ауыр материалдық жағдайы мен ақша қаражатына мұқтаждығы себеп болғанын айтқан.
"Сот жасалған әрекет ауырлығы орташа қылмыс санатына жататынын және зиян келтірілмегенін ескерді. Сотталушы рақымшылық жасау туралы заңға байланысты қылмыстық жауаптылықтан босатылды", - дейді Түркістан облыстық сотында.
Қаулы заңды күшіне енген жоқ.
