Алимент дауының артында не жатыр

23 ақпан 2026, 12:00

1 507

Елімізде алимент өндіріп алу күрделеніп барады. Берешек көлемі өсіп, алименттің қалай жұмсалатыны да қоғам талқысының жаңа өзегіне айналып отыр,- деп хабарлайды Opennews.kz ақпарат агенттігі.

Әділет министрлігінің деректеріне сәйкес, 2025 жылы жеке сот орындаушыларының өндірісінде алименттік міндеттемелерге қатысты 317,9 мың іс болған. Әділет министрлігінің деректеріне сәйкес, 2025 жылы жеке сот орындаушыларының өндірісінде алименттік міндеттемелерге қатысты 317,9 мың іс болған. Министрліктің мәліметінше, 2025 жылғы шілдедегі жағдай бойынша алимент берешегінің жалпы көлемі 18,5 миллиард теңгені құраған.

Істердің басым бөлігінде алименттер жұмыс берушілердің бухгалтериясы арқылы ай сайын өндіріліп отыр. Сонымен қатар борышкерлердің банк шоттарына және мүлкіне тыйым салу, шетелге шығуына уақытша шектеу қою секілді шаралар қолданылады. Бұдан бөлек, әділет органдары мен әкімдіктердің күшімен оларды жұмысқа орналастыру жұмыстары қатар жүргізілуде, – делінген министрлік ақпаратында.

Бір балаға – табыстың төрттен бірі, екі балаға – үштен бірі, үш және одан көп балаға – жартысы қарастырылады. Төлем мөлшері салық ұсталғаннан кейінгі табыстан есептелген.
2025 жылы орташа жалақы 423 133 теңге болса, бір балаға шамамен 105 783 теңге. Бірақ табыс тұрақсыз болған жағдайда сот нақты ақшалай соманы бекітекен. Оның ең төменгі шегі – күнкөріс деңгейінің 20 пайызы (9 246 теңге). Бұл норма әсіресе жеке кәсіпкерлер мен фрилансерлерге қатысты. Өткен жылдан бастап алимент арнайы банк шотына аударылған.