Заңсыз вейп сатумен айналысқан ер адам ұсталды
Шымкентте полиция қызметкерлері электронды тұтыну жүйелерін заңсыз сатқан ер адамды ұстады, - деп хабарлайды Opennews.kz ақпарат агенттігі kaz.kazlenta.kz сайтына сілтеме жасап.
Күдікті тыйым салынған өнімді мессенджер арқылы сатуды ұйымдастырған. Ол жарнамалар жариялап, тапсырыстар қабылдап, тауарды тұтынушыларға жеткізіп отырған. Осылайша, ол заңсыз өнімді тұрақты түрде өткізіп келген.
Тексеру барысында күдіктінің тұрғылықты жерінен сатуға дайындалған 41 дана вейп табылып, тәркіленген. Қазіргі таңда аталған факті бойынша тергеу жұмыстары жүргізіліп жатыр. Полиция өкілдері азаматтарды заң талаптарын қатаң сақтауға шақырып, вейптердің заңсыз айналымының қылмыстық жауапкершілікке әкелетінін ескертеді. Сондай-ақ, тәртіп сақшылары қоғамға қауіп төндіретін осындай әрекеттерді анықтауға және хабарлауға әрбір азамат жауапты екенін атап өткен
