Қаз
Рус
Газ баллоны жарылып, үш адам зардап шекті
1 518
Павлодар облысында жеке тұрғын үйде газ баллонының жарылуы салдарынан үш адам зардап шекті, - деп хабарлайды Opennews.kz ақпарат агенттігі BAQ.kz сайтына сілтеме жасап.
2026 жылғы 6 сәуірде Ақсу қаласында жеке тұрғын үйде газ-ауа қоспасының тұтануынан өрт шықты.
"Жамбыл көшесіндегі жеке тұрғын үйде газ-ауа қоспасы тұтанып, кейін өрт шықты. Баллон көлемі 10 литр болған. Үйдің дәлізінде тұрмыстық заттар мен жиһаз жанып, от кейін шатырдың ағаш конструкцияларына таралған," – деп хабарлады ТЖД.
Өрт сөндірушілер жедел әрекет етіп, тілсіз жауды қысқа уақыт ішінде ауыздықтады. Оқиға орнына 9 қызметкер мен 3 техника жұмылдырылған. Облыстық жедел жәрдем станциясының мәліметіне сәйкес, оқиға салдарынан үш адам зардап шекті. 1970 және 1972 жылы туған екі әйел түрлі дәрежедегі күйік алған, сондай-ақ 32 жастағы ер адам қолынан жарақат алған. Барлық зардап шеккендер Ақсу қалалық ауруханасына жеткізілді.
