Нөмірін матамен жапқан жүргізуші көлік басқару құқығынан айырылды
Жүк көлігінің 24 жастағы жүргізушісі бейнекамераларға түспеу мақсатында мемлекеттік тіркеу нөмірін матамен жауып қойған,- деп хабарлайды Opennews.kz ақпараттық агенттігі.
Сот шешімімен ол бір жыл мерзімге көлікті басқару құқығынан айырылып, қамауға алынған. Заң бұзушылықтардың бірі елордаға кіреберісте анықталған. Құқық бұзушылықты жасыру әрекеті нәтижесіз болған. Жүргізуші тоқтатылып, жауапқа тартылған.
Полиция мемлекеттік тіркеу нөмірлерін жасыруға әрекет жасау, көлік құралдарын заңсыз қайта жабдықтау және жол қозғалысы ережелерін бұзудың басқа да түрлері заңда белгіленген жауапкершілікке әкеп соғатынын еске салған. Азаматтардың қауіпсіздігіне қауіп төндіретін барлық құқыққа қайшы әрекеттер “Заң мен тәртіп” қағидатын іске асыру аясында қатаң түрде тоқтатылатын болады.
