ВКонтакте" желісінде тыйым салынған аудио сақтағаны үшін ер адам ұсталды

Қызылорда полициясы "ВКонтакте" әлеуметтік желісіндегі парақшасында тыйым салынған аудиоматериалдарды сақтаған ер адамды ұстады, - деп хабарлайды Opennews.kz тілшісі Polisia.kz сайтына сілтеме жасап.

"Қызылорда облысы Полиция департаментінің Экстремизмге қарсы іс-қимыл басқармасы қызметкерлері жедел-іздестіру шаралары нәтижесінде Қазақстан Республикасының аумағында сотпен тыйым салынған діни мазмұндағы аудио материалдарды "Вконтакте" әлеуметтік желісіндегі жеке парақшасында сақтаған деструктивті діни ағымды ұстанатын 40 жастағы тұрғынды анықтады", - делінген хабарламада. 

Сот қаулысы бойынша, деструктивті діни ағым ұстанушысы кінәлі деп танылып, оған 40 838 теңге әкімшілік айыппұл салынған.