Үкімет 3 баладан көп баласы бар аналарға жалақы төлеуі керек – депутат
1 530
Депутат Ерлан Сайыров көпбалалы отбасыларға қатысты әлеуметтік мәселе көтерді, - деп хабарлайды "Opennews.kz" ақпарат агенттігі.
"Көпбалалы отбасыларды мемлекет қамқорлығына алып, жәрдемақыны көбейту керек. Сондай-ақ біз бұрыннан бері Үкімет 3 баладан көп баласы баласы бар аналарға жалақы төлеу керек екенін айтып жүрміз. Өйткені, олар жұмыс істеп отыр. Тәрбиеші болып Қазақстанның болашақ азаматтарын тәрбиелеп отыр", – деді Сайыров.
Сонымен қатар, депутат Ұлттық қордан балаларға аударылатын қаражат аз деп есептейтінін айтты.
"Қазіргі таңда Ұлттық қордың біршама қаржысы балалардың есепшотына аударылып жатыр. Бірақ бұл — өте аз. Бірақ, өзіміз болашақта тәуелсіздік эстафетасын алып жүретін балаларды тәрбиелейміз десек, олардың ата-анасына жағдай жасау керек. Сол үшін балалардың ата-анасын жұмыспен қамту, жәрдемақыны көбейту, қоғамдық қорлар арқылы көмек көрсету ісін жолға қою керек", — деді депутат.
