Сыныптасы күдікті болып тұр: мектеп оқушысы қаза тапқан

Жетісу облысында оқушы қаза тапты. Марқұмның қазасына күдікті ретінде оның сыныптасы ұсталды, - деп хабарлайды Opennews.kz  ақпараттық агенттігі.

Алдын ала мәлімет бойынша, сабақтан кейін сыныптастар арасында жанжал туындаған. Соның салдарынан жасөспірімдердің бірі дене жарақатын алып, кейін көз жұмған.

Сонымен қатар білім беру ұйымының қызметкерлеріне қатысты балалардың өмірі мен денсаулығының қауіпсіздігін қамтамасыз ету міндеттерін тиісінше орындамау дерегі бойынша тағы бір қылмыстық іс қозғалды.

Қазіргі уақытта тергеу барысы Жетісу облыстық полиция департаменті басшылығының ерекше бақылауында.