Көрпеге оралған күйі табылған нәрестенің бүгінгі жағдайы қандай

Наурыз айының басында Қарағандының №15 ықшамауданында орналасқан үйдің кіреберісінен көрпеге оралған екі айлық қыз бала табылған еді. Баланың анасы әлі күнге дейін іздестіріліп жатыр. 

Нәрестені балалар үйіне алып кеткені белгілі болды. Сәби Қарағандының "Шапағат" балалар үйіне жеткізілген. Анасын және өзге де жақын туыстарын іздеу жұмыстары әлі жалғасуда. Егер олар табылмаса, сәбиге жаңа есім беріліп, туған күні бекітілетін болады. 

Әзірге бір ай бойы сәбиге есім берілмейді, ол уақытта полиция баланың ата-анасын іздейді. Содан кейін Қарағанды білім басқармасының қамқоршылық бөлімі сәбидің туу фактісін мойындау және

Қазақстан азаматы деп тану үшін сотқа жүгінеді. 
Қамқоршылық бөлімі өкілінің айтуынша, анасы баласын алып кеткісі келмесе, оны ешкім бұған мәжбүрлемейді. Ол ата-ана құқығынан айырылады.