Қазақстандықтар желтоқсан айында қанша күн демалмақ

12 қараша 2021, 11:45

405

Қазақстандықтар 2021 жылдың желтоқсан айында мерекелер мен демалыс күндерін ескерсек, жалпы алғанда 11 күн демалады- деп хабарлайды Opennews.kz ақпарат агенттігі.

Жыл аяқталатын айда елімізде екі мемлекеттік мереке – 1 желтоқсан Тұңғыш президент күні және 16 және 17 желтоқсан Тәуелсіздік күні аталып өтіледі.

Тұңғыш Президент күні сәрсенбіге түседі. Бұл демалыс күні болады. Одан кейін Тәуелсіздік күнінде қазақстандықтар төрт күн қатарынан демалады – 16, 17 және 18, 19 желтоқсан күндері (сенбі және жексенбі). Мерекелік демалыс күндеріне алты күнтізбелік демалыс қосылады.

Жылдың соңғы күні 31 желтоқсан жұмаға түседі. Бұл жұмыс күні болып табылады.

Осылайша, аптасына бес күн жұмыс істейтін қазақстандықтар 1, 4, 5, 11, 12, 16, 17, 18, 19, 25 және 26 желтоқсан күндері демалады. Ал алты күн жұмыс істейтіндерге демалыс 1, 5, 12, 16, 17, 19 және 26 желтоқсан күндері болады.