ШҚО-да VIP-нөмірлер 242 миллион теңгеге сатылды

339
Облыстық полиция департаментінің ақпарына сүйенсек, биыл өңірде 13 мыңға таяу адам бірінші жүргізуші куәлігін алған. Жеті мыңнан астам мәшине бірінші рет тіркеуге енгізілді,- деп хабарлайды Opennews.kz ақпарат агенттігі Inbusiness.kz сайтына сілтеме жасап.

"Өңірде тіркелген көлік санына және берілген жоғары сұранысқа ие мемлекеттік тіркеу нөмірлік белгілері мен жүргізуші куәліктеріне тұрақты негізде талдау жүргіземіз", - деп хабарлайды мамандар.

Статистикаға сәйкес, облыста 371 436 көлік құралы бар. Оның ішінде жеке тұлғаларға – 335 936 көлік құралы, ал заңды тұлғаларға 35 500 көлік құралдары тіркелген. 6248 көлік құралы есептен шығарылған.

"Жалпы соммасы 242 755 657 теңгеге жоғары сұранысқа ие 923 мемлекеттік тіркеу нөмірлік белгілері берілді", - деп жазылған ресми хабарда.