Шымкент әуежайы 5,6 млрд теңгеге сатылатын болды
464
Әуежайды болашақта сатып алу құқығымен сенімгерлік басқаруға беру жоспарлануда. Сарапшылар бұны өте орынды шешім деп есептеп отыр,- деп хабарлайды Opennews.kz ақпарат агенттігі Экспресс К сайтына сілтеме жасап.
Қазір әуе айлағының 100% акциясы қалалық қаржы бөліміне тиесілі. Аукцион 9 ақпанда өтеді. Тендер жеңімпазы бірқатар шарттарды орындауы тиіс.
Атап айтқанда:
— әуежайдың ішкі өндірісін жаңарту, күту залының жабынды конструкциясын жаңалау, жабдықтарды ауыстыру;
— қазіргі жұмыс орындарын сақтап қалу және қажет болған жағдайда жаңа жұмыс орындарын ашу;
— әуе қатынастарының маршруттық желісін дамыту арқылы әуежай көрсететін жұмыстар мен қызметтердің көлемін ұлғайту.
Сауда-саттықтың бастапқы бағасы 5,6 млрд теңге. Бұл баға бастапқы құнынан 0,4 миллиардқа өскен. Осыдан екі жыл бұрын Шымкент әкімдігі әуежайды сатылымға шығарған болатын. Алайда ол кезде ешкім бұл нысанды сатып алғысы келмеді.
