ҚАЗАҚСТАН ХАЛҚЫНЫҢ САНЫ 18 МЛН 917 МЫҢНАН АСТЫ

356
Қазақстан халқының саны 18 млн 917 мыңнан асты. Бұл туралы Стратегиялық жоспарлау және реформалар агенттігінің Ұлттық статистика бюросынан мәлім етті.

Ведомствоның мәліметінше, 2021 жылғы 1 наурызда еліміздегі халық саны 18 917,2 мың адамды құраған. Оның ішінде қалалықтар –11 187,2 мың (59,1 пайыз), ауылдықтар –7 730,0 мың адам (40,9 пайыз). 2020 жылғы 1 наурызбен салыстырғанда халық саны 245,3 мың адамға немесе 1,3 пайызға өскен. 

Ал 2021 жылғы қаңтар-ақпанда республика халқының табиғи өсімі 2020 жылғы қаңтармен салыстырғанда (42,0 мың адам) 0,2 пайызға артып, 42,1 мың адамды құраған. Табиғи өсімнің жалпы коэффициенті 1000 адамға шаққанда - 13,71 адам. 

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2021 жылғы қаңтар-ақпанда туғандар саны 65,7 мың адамды құрап отыр. 

Статистика бюросынан дерегінше, бұл 2020 жылғы қаңтар-ақпанға (64,7 мың адам) қарағанда 1,6 пайызға көп. 
Қарастырылып отырған кезеңде қайтыс болғандар саны - 23,7 мың адам.