RUB (-0.03) 8.24 KZT
USD (+1.53) 478.9 KZT
EUR (-0.40) 459.98 KZT
Қоғам
37

Қазақстандық модель Қорлан Мәди Венеция кинофестивалінің қызыл кілеміне шықты


Қазақстандық модель Қорлан Мәди алғаш рет Венеция кинофестивалінің қызыл кілеміне шықты, - деп хабарлайды Opennews.kz ақпарат агенттігі NewTimes.kz-ке сілтеме жасап.

79-шы Венеция кинофестивалі аясында Оливия Уайлдтың  «Не волнуйся, солнышко» дебюттік фильмінің премьерасы өтті. Қызыл кілемге қазақстандық модельден бөлек, Гарри Стайлс, Флоренс Пью, Джемма Чан, Крис Пайн шықты.
Фильм премьерасының нағыз жұлдызы басты рөлдердің бірін сомдаған Флоренс Пью болды. Актриса жарқыраған Valentinо көйлегін киіп келген. Ал қазақстандық модель салтанатты шараға Giambattista Valli-дің қара көйлегін таңдаған.
Қазақстандық БАҚ ақпараты бойынша, Қорлан Мәди – жарнамалық компаниялар мен Fendi, BVLGARI, Trussardi және Marni сияқты танымал брендтердің көрсетіліміне қатысқан Қазақстанның табысты моделі. Ол қазір Италияда тұрады.