RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Қоғам
158

Жамбыл облысында жалған мектептің ашылу салтанатын өткізген шенділердің көзбояушылық әрекеті әшкере болды

2025 жылға дейін мың мектеп салу жоспары науқанға айналғандай. Жолдауда айтқан президент тапсырмасын орындағандай кейіп танытқан кей өңірлерде білім ұялары тек көзбояушылықпен ашылған, деп хабарлайды Opennews.kz ақпарат агенттігі 31 арнаның “Информбюро” бағдарламасына сілтеме жасап. 


Мәселен, Жамбыл облысында бірінші қыркүйек күні салтанатты түрде лентасы қиылған мектепте бүгінде бір де бір оқушы жоқ. Өйткені санда бар да санатта жоқ мектеп бала қабылдауға қауқарсыз.

Шары ілініп, шатырлар қойылып білім күніне әсем безендірілген мектеп лентасы 1-ші қыркүйекте қиылды. Ашылу салтанатына келген меймандар төрінде облыстық мәслихат хатшысы, қала әкімі, білім басқармасының басшылары болған. Сөз алғандар бұл қуаныш президент жолдауында айтылған жоспардың жемісі екенін жеткізіп жатты. Оқу ұясы биыл ғана бой көтерген. Келген меймандар тебірене сөйлеп оқушыларды ынталы болуға, оқығанды көңілге тоқуға әдемі сөзбен әспеттеп жеткізіп жатты.


Осы мектепті аралап шықтым. Керемет мектеп 600 орындық. 4 компьютерлік класы бар. Шеберханасы бар. Спорт залы бар. Кітапханасы бар. Балаларға барлық жағдай жасалған”, – дейді Жамбыл облыстық мәслихат хатшысы Махметғали Сарыбеков

Бірақ мектеп мақтауын келістірген мәслихат хатшысы біраз шындықты бүгіп қалыпты. Шын мәнісінде оқу ұясы бала қабылдауға қауқарсыз. Ал мұндағы жиын әдемі қойылым екен. Тек көріністі әртістер емес өзге мектептің оқушылары мен мұғалімдері шебер сомдап шыққан. Бүгінде мұнда бірде бір бала қабылданбаған. Тіпті оқу ұясы білім басқармасының қарамағына өтпеген. Жақын тұрған нөмірі 50-ші мектептің мұғалімдері мен оқушылары шақыртылған. 


Неге 61 мектепке барып балалар оқып жатыр дейді. Бірінші қыркүйекте ашылды. Әзірге мұғалімдердің конкурсы болғанша. Ойбай оны айтуға менің құқым жоқ қой. Қазір мен бір минут сөйлесіп алайыншы. Ойымды жинақтап алайын”, – дейді Тараз қаласы №50 орта мектеп директоры Қарлығаш Қасымбаева

Қарамағындағы мұғалімдердің басқа мектепке неге барғанын түсіндіруге тырысқан директор не айтарын білмеді. Ал балаларымыз жақын жерден жаңа мектепке барады деген Қайнар алқабының тұрғындары бұл алдамшы қойылымға алданып қалғандарын айтады.


Бұл жерде жауапкершілік жоқта. Ашылуын ашып алып халықты алдау шығар? Басқа не енді бұл. Осы дачаға ашылған екен мектеп. Бірақ ашылды дегенімен толықтай бармаса не енді бұл?”, – дейді ата-ана Әсел Игілікова

Қазір бұл мектеп су, жарық жүйесіне жалғанбаған. Тіпті қабылданып алынбаған. Бірақ жергілікті биліктің бітпеген мектепті неге күн бұрын сүйіншілеп ашқаны түсініксіз. Бұл жайтқа білім басқармасынан ешкім жауап бере алмады.