Адам көп жерде жемқор да көп - Қаржы министрі
246
Қаржы министрі Ерұлан Жамаубаев өзінің қарамағында жұмыс істейтін қызметкерлердің неге жиі пара алатынын түсіндірді, деп хабарлайды Opennews.kz ақпарат агенттігі Экспресс К сайтына сілтеме жасап.
Биылғы 8 айда Қаржы министрлігінде қызмет істейтін 33 адам жемқорлық дерегі бойынша ұсталған. Бұл министрліктер ішіндегі антирекорд. Осыған байланысты министрдің өзі түсініктеме берді.
"Тиісті ескертулер жасалды, тапсырмалар берілді. Бұл статистика ешкімге абырой әкелмейді. Бірақ осы тұста айта кетейін, біздің министрлік әкімшілік қызметтегі ең үлкен министрлік. Яғни құқық қорғау органдарын есептемегенде, Қаржы министрлігіндегі адамдар мемлекеттік қызметкерледің 25 пайызын қамтиды. Сондықтан адам басына шағып қарасаңыздар, біз бірінші орында тұрамыз", — деп түсіндірді министр.
