Қызылордада жүргізу құқығынан айырылған мас жүргізуші ұсталды

263
Қызылорда қаласының орталық көшелерінің бірінде жүргізуші куәлігінен айрылған мас жүргізуші ұсталды, деп хабарлайды Opennews.kz ақпарат агенттігі.



2022 жылдың 25 қыркүйек сағат 03:30 шамасында Қызылорда қаласының көшелерінің бірінде патрульдік полиция қызметкерлерімен жол ережесін бұзғаны үшін автокөлік тоқтатылды. Автокөлікті басқарған 25 жастағы қала тұрғыны болып шықты. Бұл азамат мамыр 2021 жылы 7 жыл көлік құралын жүргізу құқығынан айырылған, алайда ол көлікті мас күйінде қайта басқарып, басқа жол қозғалысына қатысушылардың өміріне қауіп төндірді.


Оған қатысты Қазақстан Республикасы Қылмыстық кодексінің 346-бабының 1-бөлігімен, яғни көлік құралын басқару құқығынан айырылған, алкогольдік масаң күйдегі адамның көлік құралын басқару дерегі бойынша сотқа дейінгі тергеп-тексеру амалдары басталды. Автокөлік айып алаңына қойылды. Жүргізуші уақытша ұстау абақтысына қамауға алынды.

Қызылорда қаласы Полиция басқармасының баспасөз қызметі