Жаңбыр соңы қарға ұласады - Синоптиктер

“Қазгидромет” мамандары Қазақстан бойынша 2022 жылғы 27-29 қыркүйектегі ауа райы болжамын жариялады. Синоптиктердің мәліметінше, елде алдағы күндері күзгі салқындық болады, - деп хабарлайды Opennews.kz ақпарат агенттігі. 

Қыркүйектің соңғы аптасында нағыз күзгі салқын болмақ. Алдағы тәуліктерде солтүстік-батыс циклонның соңынан суық антициклон соғады. Республиканың солтүстік, орталық және шығыс өңірлерінде жаңбырдың соңы қарға ұласып, көктайғақ, тұман және ауа температурасының төмендеуі күтіледі. Еліміздің оңтүстік-батысында және оңтүстігінде жел күшейіп, шаңды дауыл болмақ. 

Еліміздің солтүстік өңірлерінде термометрлердің түнгі көрсеткіштері 1-6 градусқа дейін төмендейді. Ал күндіз ауа температурасы 1-6 градусқа дейін аздап жоғарылайды. Республиканың оңтүстік және батыс өңірлерінде күндіз ауа температурасы 15-23 градусқа дейін жылынады.