Қызылордалық гандболшы қыздар жеңіс тұғырынан көрінді

Сыр өңірінде өткен Гандболдан әйелдер арасындағы VI жазғы спартакиадасында қызылордалық қыздар жеңіске жетті, - деп хабарлайды "Opennews.kz" ақпарат агенттігі. 

Қызылорда қаласындағы «Евразия» спорт кешенінде Гандболдан әйелдер арасындағы Қазақстан Республикасының VI жазғы спартакиадасы аяқталып, жеңімпаздар мен жүлдегерлер марапатталды. Марапаттау рәсіміне Республикалық гандбол федерациясының вице президенті, облыстық мәслихат депутаты, дзюдодан ҚР еңбек сіңірген жаттықтырушысы, ҚР еңбек сіңірген спорт қайраткері Садық Мұстафа, облыстық гандбол федерациясының президенті Наурызбай Байқадамов және облыстық мәдениет және спорт басқармасының Жоғары спорт шеберлігі мектебінің директоры Бағдат Каленов қатысты.

Айта кетейік, жарыс 17 сәуір күні басталып, оған 5 команда қатысқан болатын. Кіл мықтылар жиналған спартакиада 5 күнге созылып, спортшы қыздар тартысты ойын көрсетті.

Жарыс нәтижесінде:

Алматы облысы жүлделі 3-орын;

Астана қаласы 2-орын;

Қызылорда облысының «Қайсар» КГУ командасы 1-орын иеленді.

Аталмыш спартакиада 4 жылда бір рет өткізіледі. Өңіріміздің мақтаныштары гандболдан «Қайсар КГУ» командасы намысты қолдан бермей, биыл да Спартакиада чемпионы атанды. Сондай-ақ, команда – ҚР 12 дүркін чемпиондары. Ендеше, чемпион қыздарымызды шын жүректен құттықтай отырып, гандболдан облыс аға жаттықтырушы Ольга Егунова мен бас жаттықтырушы Вячаслав Ким ұстаздарына алғыс білдіреміз!