Есбол Сұлтанов әлем бойынша «Жылдың үздік бапкері» атанды

Таеквондодан Тунис құрамасына алтын әперген қазақ бапкері әлемнің ең үздік жаттықтырушысы атанды, - деп хабарлайды "Opennews.kz" ақпарат агенттігі.

Гонконгта Дүниежүзілік таеквондо федерациясы (Workd Taekwondo) таеквондодан 2024 жылдың үздіктерін марапаттау рәсімін өткізді.

Париж Олимпиадасында таеквондодан Тунис құрамасын дайындап, 1 алтын, 1 қола медаль алып берген қазақ бапкері Есбол Сұлтанов «Жылдың үздік бапкері» атанды.

Таеквондо тарихында тұңғыш рет қазақстандық бапкер жыл үздіктерінің қатарынан көрініп отыр.