Олимпиада чемпионы Данияр Елеусінов АҚШ-та жекпе-жек өткізеді

Қазақстандық Олимпиада чемпионы, кәсіпқой боксшы Данияр Елеусінов келесі жекпе-жегін Америка Құрама Штаттарында өткізеді,- деп хабарлайды "Opennews.kz" ақпарат агенттігі.

BoxRec ресми сайтының мәліметінше, жекпе-жек 2025 жылдың 19 шілдесінде Вашингтон қаласындағы Meadows Racetrack & Casino аренасында өтеді. Қарсыласы – 26 жеңісі (оның 17-сі нокаутпен) және 5 жеңілісі бар тәжірибелі филиппиндік боксшы Джеймс Бэкон.

Бұл кездесу Елеусінов үшін үлкен аренаға оралу жолындағы маңызды қадам болмақ. Айта кетейік, ол 2016 жылы 69 келіге дейінгі салмақ дәрежесінде Олимпиада чемпионы атанып, кейін кәсіпқой боксқа ауысқан болатын. Осы уақытқа дейін 11 жекпе-жек өткізіп, бәрінде жеңіске жетті.

Алдағы жекпе-жектегі жеңіс қазақстандық боксшыны чемпиондық кездесулерге бір қадам жақындатады деп күтілуде. Кездесу трансляциясы мен билеттер туралы толық ақпарат кейінірек жарияланады.

Еске салайық, Елеусінов соңғы рет 2023 жылы шаршы алаңға шыққан болатын.