Жаттықтырушыларға үстемеақы беріледі.

Туризм және спорт министрлігі жаттықтырушы-оқытушыларға біліктілік үшін қосымша ақы алу тәртібін жариялады.- деп хабарлайды Opennews.kz ақпарат агенттігі Egemen.kz сайтына сілтеме жасап.

Бұл мүмкіндік Балалар-жасөспірімдер спорт мектебі (БЖСМ) және мамандандырылған спорт мектептері, сондай-ақ Олимпиадалық резерв мектептерінде қызмет ететін мамандарға қатысты.

Қосымша ақы алу үшін: біліктілікті арттыру курстарынан өту; біліктілік тестін сәтті тапсыру; оқу-жаттығу процесін ұлттық спорттық дайындық стандарттарына сәйкес жүргізу талап етіледі.

Біліктілікті арттыру курсы 5 жылда бір рет өткізіледі, ал өтінімді оқу басталғанға дейін кемінде 14 күн бұрын беру керек.

 Оқу аяқталғаннан кейін:

– электронды форматта тестілеу жүргізіледі;

– біліктілікті арттыру туралы куәлік беріледі;

– біліктілік тестінен өткендігі туралы сертификат тапсырылады;

– құжаттарды жұмыс орнына тапсыру қажет.

Өтінім электрондық лицензиялау порталы арқылы онлайн режимде қабылданады, бұл рәсімді жеңілдетеді әрі қосымша ақы алудың уақытылы жүзеге асуына мүмкіндік бермек.