Дастан Сәтпаевтың “Қайратпен” соңғы ойынын қашан өткізетіні белгілі болды

4 маусым 2026, 17:00

2 527

Алматылық “Қайрат” клубының жас жұлдызы Дастан Сәтпаев алдағы уақытта атақты “Челси” сапына ауысады,- деп хабарлайды Оpennews.kz ақпарат агенттігі.

Сол себепті ол жақын күндері “Қайрат” клубымен қош айтысады.

Дастан Сәтпаев сары-қаралар сапында соңғы матчын 17 немесе 21 маусымдардың бірінде өткізетінін айтқан.

“Қазіргі жоспар бойынша соңғы матчым 17 немесе 21 маусым күні болады. Бұл – өз алаңымыздағы ойын, – деді Сәтбаев “Қайрат” ресми матчтарын жүргізетін Артур Асқарұлымен болған әңгімесінде.

Сондай-ақ жас шабуылшы болашақта жаңа ортаға тез бейімделіп, негізгі құрамнан орын алуға күш салатынын жеткізген.

“Қобалжу жоқ. Ең бастысы — өзіңнің қалауың мен жігеріңді көрсету. Сол жігердің арқасында жаңа ортада орнығып қаламын деп ойлаймын”, — деді Дастан Сәтпаев.

Айта кетейік, жас футболшы 16 жасында Англияның "Челси" клубынан шақырту алған. Ол енді тамыз айында ағылшындық клуб сапына ауысады.