Қаз
Рус
Жиһаз цехының жұмысшысы төрт саусағын дискілі ара кесіп тастады
1 500
Қайғылы оқиға 11 қараша күні таңертең Петропавлдағы жиһаз өндірісінде болды. Дискілі арамен жұмыс істеп жатқан кезде 30 жастағы ер адам оң қолының төрт саусағынан айырылды, - деп хабарлайды Opennews.kz ақпарат агенттігі.
Төтенше оқиға «Мебельер» ЖК-де болған. Ер адам жұмсақ жиһазға арналған қаңқа жасап жатқан. Оны шұғыл түрде ауруханаға жеткізді.
«Науқас көпбейінді қалалық ауруханада жатыр. Жағдайы тұрақты, орташа ауырлықта, ес-түсі анық. Дәрігерлер қажетті медициналық көмек көрсетіп жатыр», — деп түсіндірді СҚО денсаулық сақтау басқармасының баспасөз қызметі.
Өндірістегі қайғылы оқиғаның мән-жайы анықталып жатыр.
