27 жастағы жігіт туыстарын өлтіріп, үйімен бірге өртеп жіберген

Өскеменде туыстарын аяусыз өлтірген ер адам ұсталды, - деп хабарлайды "Opennews.kz" ақпарат агенттігі «Криминальный Казахстан» Telegram арнасына сілтеме жасап.

27 жастағы жігіт 3 адамның денесін жөртөлеге тастап, үйді өртеп жіберген. 

30 қаңтарда Өскемендегі жер үйдің бірінде өрт шыққан. Жергілікті өрт қызметі тілсіз жаудың бетін қайтарған соң, үйдің жертөлесінен басы пышақ және балтамен жараланған 3 адамның мәйіті табылған. Олар 79 жастағы үй иесі, оның бірге тұратын 69 жастағы әйелі және 51 жастағы туысқаны болып шықты.

Полиция қайғылы оқиға болардан бұрын көз жұмғандар бірге арақ ішіп отырған дейді. Көп ұзамай күдікті қолға түсті. 27 жастағы ер адам туыстарын өлтіріп, қылмысын жасыру үшін үйге өрт қойған.

Қазір ҚК 99-бабы 2-бөлігі бойынша іс қозғалған.