Елде 17,5 мың адам есірткіге тәуелді болып тіркелген
1 511
Қазақстанда 17,5 мың адам есірткіге тәуелді,- деп хабарлайды Opennews.kz ақпараттық агенттігі kaz.inform.kz сайтына сілтеме жасап.
2026 жылғы 1 наурыздағы жағдай бойынша 17 573 есірткіге тәуелді адам, оның ішінде 1 596 әйел және 40 кәмелетке толмаған жасөспірім тіркелген, - делінген хабарламада.
Министрлікте өткен жылдың ақпан айында нашақорлық және есірткі қылмыстарының профилактикасы жөніндегі кеңес құрылған. Оның құрамына танымал тұлғалар, ҚР Президенті жанындағы Жастар саясаты жөніндегі кеңес мүшелері, Қазақстан халқы Ассамблеясының өкілдері, блогерлер, әртістер, спортшылар, қоғам қайраткерлері, сарапшылар мен наркологтар кіреді. Олар түрлі іс-шаралар, сұхбаттар, кездесулер өткізеді.
Өкінішке қарай, заңсыз есірткі саудасы түп-тамырымен жойылмай тұр.
Жыл басынан бері 881,6 келі есірткі, оның ішінде 104,3 келі синтетикалық есірткі тәркіленді, - делінген ресми жауапта.
