Қаз
Рус
Қазақстан Үстел теннисінен әлем чемпионатында жеңіске жетті
444
Үстел теннисінен әлем чемпионатында Қазақстанға тұңғыш рет жүлде бұйырды, - деп хабарлайды Opennews.kz ақпарат агенттігі.
Қарағандылық А.Құрманғалиев (бапкері Эльмира Алиева) мысырлық Хана Годамен бірге аралас жұпта жартылай финалға шықты.
Осылайша, қазақстандық-мысырлық жұп кемінде қола жүлдеге ие болады. Олар 1/8 финалда пуэрторикалық Энрике Риос – бразилиялық Сенага Ширайды тізе бүктірді. Ал ширек финалда франциялықтар Натан Лам – Гаэтана Блэдадан айласын асырды.
Сөйтіп, А.Құрманғалиев Қазақстан үстел теннисі тарихында алғаш рет әлем чемпионатының жүлдегері қатарынан табылып отыр.
Жартылай финалдық бәсеке желтоқсанның 8-інен 9-ына қараған түні өтеді. Сонымен қатар А.Құрманғалиев жекелей сында да бақ сынайды.
