Қаз
Рус
"Уақытым жоқ": "Барыстың" бапкері қазақ тілін үйренуден бас тартты
2 252
Құрлықтық хоккей лигасында (ҚХЛ) бақ сынап жүрген "Барыс" клубының бас бапкері Михаил Кравец қазақ тілін үйрену жоспары жоқ екенін айтты, - деп хабарлайды "Opennews.kz" ақпарат агенттігі.
Матчтан кейінгі баспасөз мәслихатында журналист бапкерден:
"Сіз бірнеше айдан бері Қазақстанда жұмыс істейсіз. Қазақ тілін үйреніп жүрсіз бе?" – деп сұраған.
Кравец бұл сұраққа былай деп жауап берді:
"Білесіз бе, мұнда бәрі орысша сөйлейді, кейде ағылшын тілі де жеткілікті. Уақытым жетпейді. Егер қазақ тілін үйренсем, сосын қытай тілін де меңгеруге тура келетін шығар. Сондықтан орыс және ағылшын тілдерімен-ақ бәріміз бір-бірімізді түсініп жүрміз деп ойлаймын", – деп жауап берді.
Айта кетейік, соңғы кездесуде "Барыс" Қазанның "Ак Барс" клубынан 3:4 есебімен жеңілді. Үшінші кезеңнің басында 0:4 есебімен ұтылып жатқан қазақстандық команда небәрі 140 секундта үш шайба соғып, есеп айырмасын қысқартқанымен, жеңіске жете алмады.
