Әлем чемпионы Әлімханұлын жекпе-жекке шақырды
2 504
Қазақстандық WBO және IBF тұжырымдары бойынша әлем чемпионы Жәнібек Әлімханұлы (17-0, 11 КО) WBC титулының иегері Джермалл Чарлоның (32-0, 22 КО) жекпе-жекке шақыртуын қабылдады, - деп хабарлайды "Opennews.kz" ақпарат агенттігі.
Бұған дейін америкалық боксшы Жәнібек Әлімханұлымен жұдырықтасқысы келетінін хабарлаған еді. Өз кезегінде қазақ боксшысы оған өз жауабын берді
"Чарло? Мен оны оңай нокаутқа түсіре аламын! Чарломен жекпе-жек болса, Жәнібек оны жеңе ала ма деген сұрақ туындамайды. Көптің көкейінде тек "Чарлоны Qazaq style қай раундта қандай соққымен құлатады екен?" деген сұрақ қана болады! Мен қазір өз биігімдемін. Қазақ стиліне дәл қазір ешқандай боксшының шамасы жетпейді. Ірі сөз. Ірі іс", - деді Әлімханұлы.
Cоңғы жекпе-жекте Жәнібек Әлімханұлы неміс боксшысы Винченцо Гуальтьериді (21-1-1, 7 КО) техникалық нокаутпен жеңіп, екінші чемпиондық белбеудің иегері атанды.
