Қытай чемпионатында қазақ боксшысы топ жарды

Чемпионатта бокстан ерлер арасында 75 келіде сынға түскен Шынжаң командасының боксшысы Тоқтарбек Таңатқанұлы жеңімпаз болды - деп хабарлайды "Opennews.kz" ақпарат агенттігі kazakcnr.com сайтына сілтеме жасап.  

Қытайдың XIV ұлттық  чемпионаты  21 қыркүйекте Шаншидің Юуйлин қаласында өтті.

Тоқтарбек Таңатқанұлы финалда тағы бір қандасымыз Бейжің құрамасының мүшесі Ұлпар Қарқынұлын 5-0 есебімен жеңіп, чемпион атанған.

Еске сала кетсек, Тоқтарбек Таңатқанұлы - Қанат Ислам және Мәметтұрсын Чоңнан кейінгі Қытай атынан Олимпиадалық ойындарға қатысқан үшінші шыңжаңдық боксшы.