Боксшы Сәкен Бибосынов 1 айдың ішінде үйленетінін айтты

248

Бокстан әлем чемпионы, Токио олимпиадасының қола жүлдегері Сәкен Бибосынов жақын арада үйленетінін айтты,- деп хабарлайды Opennews.kz ақпарат агенттігі. 

Бұл туралы боксшы "Хабар" арнасының "Қызық live" бағдарламасында баяндады.


Екі жақтың ата-анасы кездесіп, "тәтті шай" рәсімін өткізіп қойған екен. 

"1 айдан кейін отбасын құрсам деген ниетім бар. Бәрі дайын", - деп жеке өміріндегі жағымды жаңалықты жеткізді. 

Сәкеннің айтуынша, үйлену бокстағы мансабына қанат бітірмесе, кедергі келтірмейді деген сенімде. 

"Үйленгеннен кейін нәтиже одан да жақсы болады деп ойлаймын", - деді ол.