«Крылья Советовтың» директоры Айымбетовтың командадағы «тағдыры» жайлы айтты

310
«Крылья Советов» клубының бас директоры Дмитрий Галямин қазақстандық шабуылшы Абат Айымбетовтың командаға әлі қажет екенін айтты.

- Көшбасшы ойыншыларға сұраныс бар екенін білесіздер. Олар қыста-ақ командадан кетуі мүмкін еді. Сондықтан біз ертерек ойланып, олардың орнын басатын ойыншыларды табуымыз керек болды.

Команданың көшбасшы ойыншылары жазда кетуі мүмкін. Сондықтан қыста келген футболшылар әлі де командаға керек болады. Өйткені олардың бәрі сапалы ойын көрсететін, болашағынан үміт күттіретін футболшылар.

Мысалы, Айымбетов – салыстырмалы түрде әлсіз емес Қазақстан құрамасының ойыншысы. Біз оны жалға бердік, бірақ ол әлі біздің клубқа тиесілі, - деді Дмитрий Галямин ФАН басылымына берген сұхбатында.