UFC Макгрегор – Порье трилогиясын ресми түрде хабарлады

UFC басшысы Дана Уайт ирландиялық Конор Макгрегор мен америкалық Дастин Порье жекпе-жегін ресми түрде жария етті.

Еске салайық, Дастин Порье Твиттерде жанжалдасқаннан кейін Конор үшінші жекпе-жек өтпейтінін мәлімдеген еді. Спортшылардың жанжалдасуына Порьенің қайырымдылық қоры себеп болған: Дастин Конорды алдады деп айыптаса, ирландиялық файтер америкалықты қаржылық күдікті адам деп меңзеген. 

Екі салмақ дәрежесінде UFC экс-чемпионы шілдеде Лас-Вегаста өтетін жекпе-жегіне басқа қарсылас іздей бастаған, Порьенің орнына шығуға файтерлер де табылған. Екі күн өткен соң UFC басшысы бұл жанжалдың нүктесін қойды.