Азия чемпионатында Айжамал Сансызбаева күміс медаль иеленді

481
Ташкент  қаласындағы ауыр атлетикадан Азия чемпионатының соңғы жарыс күнінде еліміздің  қанжығасы бір медальмен толықты, деп хабарлайды  «Opennews.kz» ақпарат агенттігі. 

Ауыр атлетика федерациясы мәлімдегендей, жерлесіміз Айсамал Сансызбаева әрбір жаттығуда және қоссайыста күміс медаль жеңіп алып, тұғырдың екінші сатысынан көрінді.

24 шілде күні ауыр атлетикадан жасөспірімдер мен жастар арасындағы Азия чемпионатында қазақстандық спортшылар үш медаль жеңіп алған еді. 

Жасөспірімдер арасында 102 келіде Никита Абдрахманов алтын медаль алып, қоссайыстың нәтижесінде 354 (158-196) келіні бағындырды. 

Ал 17 жасқа дейінгі жасөспірімдер арасында Жолтай Санжар (102 келі), 20 жасқа дейінгі жастар арасында Динара Қыпшақбай (81 келі) қола жүлдеге ие болды.