Қазақстандық спортшы тарихта алғаш рет әлем чемпионы атанды
208
Байдарка мен каноэде есуден Венгрияның Сегед қаласында өткен әлем чемпионатында қазақстандық Мария Бровкова екі медаль жеңіп алды, - деп хабарлайды Opennews.kz ақпарат агенттігі Ulysmedia.kz. сайтына сілтеме жасап.
Мария 18 жасқа дейінгі спортшылар арасында топ жарды. Алдымен ол 1000 метрге каноэмен есуден жекелей сында алтын жүлдегер атанды. Бровкова Португалия мен Венгрия қыздарын басып озған.
Ал 1500 метрге каноэмен есуден жекелей сында Мария үздік үштікке еніп, қола жүлдегер атанды.
Айта кетелік, бұрын-соңды қазақстандық қыздар байдарка мен каноэде есуден әлем чемпионатында бірінші орын алмаған. Демек, оралдық Мария Бровкованың бұл жеңісі тарихи жетістік саналады.
