Сыр елінде Жыраулар үйі ашылады

Қызылордада Жыраулар үйі ашылады, - деп хабарлайды "Opennews.kz" ақпарат агенттігі.

Мәдениет майталмандарының ұсынымы негізінде қалыптасып, көптің көкейінде жүрген мәселенің оңтайлы шешімі дәстүрлі өнер жанашырларының ризашылығына ие болды.

Сыр бойының жыраулық өнері - Қорқыт бабадан бастау алып, кешегі Нысанбай, Балқы базар, Ешнияз, Тұрмағамбет жырларымен жалғасты. Сондай-ақ, Нұртуған, Жиенбай, Нартай, Сәрсенбай жыраулар мектебі қалыптасып, жыр мұрасы Мардан Байділдаев, Алмас Алматов, Алма Құнанбаеваның бастауымен ғылыми түрде зерттелді.

Еске салайық, Қармақшы ауданында Көшеней Рүстембеков атындағы "Жыраулар үйі", Аралда Дәріғұл жырау, Жақсан жырау , Нұртуған шайыр, Жаңаберген жырау үйірмелері және Шиеліде Нартай Бекежанов атындағы "Өнер мектебі" жұмыс істеп тұр.