Қазақ радиосының дикторы Сауық Жақанова туралы кітап жарық көрді
Басылым қазақ радиосының белгілі дикторы, Қазақстан мәдениетінің дамуына елеулі үлес қосқан көрнекті тұлға Сауық Жақанованың 80 жылдық мерейтойына орай жарық көрді.
Сауық Жақанова өзінің көп жылдық ел мәдениетіне сіңірген еңбегі үшін «Құрмет» орденімен марапатталды.
Іс-шараға мемлекет және қоғам қайраткерлері, шығармашылық зиялы қауым өкілдері, радио және телевизия қызметкерлері, журналистер, Сауық Жақанованың туыстары мен жақындары қатысты.
Жиында Қазақстанның мәдениет және ақпарат министрі Аида Балаеваның құттықтау хаты оқылды.
«Сахара сандуғашы» кітабында Сауық Жақанованың өмір жолы, радио мен телевизиядағы шығармашылығы, сондай-ақ оқытушылық қызметі туралы баяндалады.