«Қазақконцертте» «Astana sazy» ансамблінің жеке концерті өтті

Роза Бағланова атындағы «Қазақконцерт» мемлекеттік академиялық концерттік ұйымында Қазақ мемлекеттік фольклорлық «Astana sazy» ансамблінің «Аспаптар шеруі» атты жеке концерті өтті,- деп хабарлайды Opennews.kz ақпарат агенттігі Kazinform  ақпараттық сайтынан сілтеме жасап.

Ұжым көрерменге қазақ музыкасының бай мұрасын ұсынған. Байырғы дәстүрлі әуендер заманауи музыкамен үндесіп, фольк, этно-джаз, этно-панк және өзге де заманауи бағыттарда орындаған. 

Кеште күйлер шертіліп, халық әндері шырқалып, мың бұралған бишілер мазмұнды заманауи қойылымдар қойған. «Astana sazy» ансамблі тыңдарманды домбыра, қобыз, шертер, шаңқобыз, сазсырнай, сыбызғы, асатаяқ, дауылпаз, тұяқтас, қоңырау және өзге де дәстүрлі аспаптардың үнімен таныстырып, қазақ өнерін көпшілікке насихаттап келеді.