Қазақстанда халықаралық AI Film Festival өтеді

Осы күзде Қазақстанда Astana AI Film Festival (AAIFF 2026) жасанды интеллект көмегімен жасалған фильмдерге арналған алғашқы халықаралық фестивальдердің бірі өтеді, - деп хабарлайды Opennews.kz ақпарат агенттігі nege.kz сайтына сілтеме жасап.

Astana AI Film Festival кино мен жасанды интеллекттің (AI) тоғысындағы жаңа жобаларды көрсетуге арналған халықаралық алаңға айналады. Фестиваль авторларды, digital-креаторларды, продюсерлерді, инвесторларды және технологиялық компаниялардың өкілдерін біріктіріп, контент өндірісінің барлық кезеңінде тәжірибе алмасуға мүмкіндік береді. Фестивальда $1 млн жүлде қоры бар қысқаметражды фильмдердің халықаралық байқауы өткізіледі. Байқауға әлемнің әртүрлі елдерінен қатысушылар шақырылады, бұл фестивальді жаһандық деңгейде таныстыруға бағытталған.

Бағдарлама аясында AI-контентке арналған конференциялар, авторлар мен продюсерлерге арналған питч-сессиялар, фильм көрсетілімдері және сарапшылардың қатысуымен пікірталастар ұйымдастырылады. Фестиваль гибридті жобалар мен жаңа форматтарды ерекше насихаттай отырып, шығармашылық индустриядағы инновацияларды көрсетуге көңіл бөледі. Astana AI Film Festival қатысушыларға контент жасау процесінің барлық кезеңінде - идеяны дамыту, сценарий жазу, визуалды эффектілерді қолдану, AI-инструменттер арқылы монтаж және маркетингке дейінгі - практикалық тәжірибе алуға мүмкіндік береді. Жасанды интеллект қолданылатын жобалардың этикасы, авторлық құқық және технологиялық трендтер тақырыбында семинарлар өтеді.