Музейлерде жаңа технология: экспонаттарды AI сипаттайды
E-Museum виртуал желісі еліміздегі 286 музейдің дерегін біріктіріп, 65 мыңнан астам жәдігер мен 750-ге жуық 3D артефактіні қамтиды,-деп хабарлайды Opennews.kz ақпараттық агенттігі Sputnik.kz сайтына сілтеме жасап.
Қазақстанда Цифрландыру және жасанды интеллект жылы аясында мәдениет саласына цифрлық шешімдерді енгізу жұмыстары жалғасын табуда. Бүгінде сегіз тілде жұмыс істейтін Qazaq Culture платформасы Қазақстанның мәдени мұрасын халықаралық деңгейде насихаттауға бағытталған. E-Museum виртуал желісі еліміздегі 286 музейдің дерегін біріктіріп, 65 мыңнан астам жәдігер мен 750-ге жуық 3D артефактіні қамтыған.
"Портал арқылы музей қорлары онлайн қолжетімді болып, жасанды интеллект көмегімен экспонаттарды автоматты сипаттау, аудару және іздеу мүмкіндіктері енгізіліп жатыр", - деді мәдениет және ақпарат министрлігінің мәдениет комитеті төрағасының орынбасары Шерхан Талап.
Кино саласындағы ашықтықты қамтамасыз етіп, кассаға түсетін қаражатты толық цифрландыруға және нақты уақыт режимінде есеп жүргізуге бағытталған "е-Кино" жүйесі кезең-кезеңімен іске қосылып жатыр.
