ТАНЫМАЛ ӘНГЕ АРҚАУ БОЛҒАН НУРИКАМАЛ СЕЙТЖАНОВА ӨМІРДЕН ӨТТІ

Еліміздің еңбек сіңірген қайраткері Нұрикамал Сейітжанова 72 жасқа қараған шағында дүниеден өтті.

Айта кетейік, Нұрикамал Сейітжанова ақын Ханбибі Есенқарақызы мен композитор Тұрдықылыш Ізтайдың "Нұрикамал" әнін жазуына арқау болған.

Нұрикамал Сейітжанова еңбек өтілін кеңшарда бастап, мемлекеттік қызметтің барлық сатысынан өткен.
Әр жылдары мұғалім, Торғай облыстық атқару комитетінің жастар ісі комитетінің төрағасы, облыстық мәдениет басқармасының басшысы, Қазақстан халқы кіші ассамблеясының атқарушы хатшылығының жетекшісі, Ақмола облыстық ақпарат және қоғамдық келісім басқармасының және облыстық мәдениет басқармасының басшысы қызметтерін атқарған.

Өмірінің соңғы жылдары мемлекеттік тарих институтында қызмет еткен.
2003 жылы Қазақстан Республикасының еңбек сіңірген қайраткері атағын алды.