Ұлттық банк базалық мөлшерлемені 14,25% деңгейінде сақтап қалды
2 224
Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 14,25% деңгейінде сақтау туралы шешім қабылдады, - деп хабарлайды "Opennews.kz" ақпарат агенттігі.
Ұлттық банктің баспасөз қызметі таратқан ақпаратқа сүйенсек, жылдық инфляция шілдеде өскен соң тамыз, қыркүйек айларында төмендеген.
«Жылдық инфляция әлі де таргеттен едәуір алшақ, дегенмен 2024 жылғы қыркүйек айында ол 8,3%-ға дейін төмендеді. Жалпы инфляцияның динамикасы Ұлттық Банктің болжамына сәйкес келеді», - деп жазған Ұлттық банк.
