Тауарлар экспорты 5,1%-ға өсті

Тауарлар экспорты 5,1% - ға өсті, - деп хабарлайды "Opennews.kz" ақпарат агенттігі.

Биылғы 10 айдағы сыртқы сауда айналымы 116,9 млрд доллар. Қазақстандық тауарлардың экспорты 5,1%-ға өсті, яғни – 68,5 млрд доллар.  Бұл ретте өңделген тауарлардың экспорты 10,2%-ға ұлғайып, 23,3 млрд долларға жеткен.  

Шикізаттық емес экспорттың тұрақты өсуі көбінесе қазақстандық тауарларды Қытай мен Түркияға  жеткізу, сондай-ақ Еуропа нарықтарымен байланысты. Биылғы қызмет көрсету экспорты да 10,5%-ға өсіп, 8,4 млрд доллар деңгейінде тіркелді. Ал импорт  3,3%-ға қысқарды. Импорттың төмендеп, экспорттың ұлғаюы себепті экономиканың оң сауда балансы 33,4%-ға өскен. Көрсеткіш 20,1 млрд доллар.