Қазақстан алтын қоры бойынша ТОП-20 елдің қатарында

Қазақстан алтын қоры көлемі бойынша әлемдегі жетекші 20 елдің қатарына кірді. Бұл жөнінде Астанада өткен Халықаралық тау-кен металлургия конгресінде өнеркәсіп және құрылыс вице-министрі Иран Шархан мәлімдеді,- деп хабарлайды "Opennews.kz" ақпарат агенттігі.

Соңғы 10 жылда елімізде алтын кенін өндіру көлемі 2,2 есеге артты.

Вице-министрдің айтуынша, бұл 420 миллиард теңге инвестиция тартуға мүмкіндік берді.

Ол 2026 жылға қарай барлау алаңын 1,9 миллион шаршы шақырымнан 2,2 миллион шаршы шақырымға дейін ұлғайту жоспарланып отырғанын жеткізді.