Баға шарықтауы – отбасы бюджетін тығырыққа тіреуде. Күн сайын қымбаттап жатқан азық-түлік пен қызмет түрлері қарапайым халықтың қалтасына ауыр соғуда,- деп хабарлайды "Opennews.kz" ақпарат агенттігі.
Елімізде жылдық инфляция жеделдеді: 2025 жылғы мамырда ол 11,3%-ды (сәуірде 10,7%-ды) құрады. Ақылы қызметтер бір жылда бірден 16%-ға (сәуірде 15,7%-ға), азық-түлік тауарлары 9,6%-ға (сәуірде 8,5%-ға), азық-түлік емес тауарлар 9%-ға (сәуірде 8,9%-ға) қымбаттады.
Ел тұрғындарының тауарлар мен қызметтерді сатып алу бағасы мен көлемінің өсуін ескергенде, инфляцияның жылдық деңгейіне ең көп үлес қосқан — тамақ өнімдері мен алкогольсіз сусындар (3,8 пайыздық тармақ) және тұрғын үй қызметтері (1,8 п. т.). Бәрінен де ең соңғысының бағасы шарықтады. Мәселен, өткен жылдың мамырымен салыстырғанда:
– суық су тарифтері 97,6%-ға,
– су бұру 25,1%-ға,
– орталықтан жылыту 19,2%-ға,
– тарату желілері арқылы тасымалданатын газ 15%-ға,
– ыстық су 14,5%-ға,
– электр энергиясы 11,2%-ға,
– тұрғын үйді күтіп ұстау 10,7%-ға қымбаттады.
Баға шарықтауы – отбасы бюджетін тығырыққа тіреуде. Күн сайын қымбаттап жатқан азық-түлік пен қызмет түрлері қарапайым халықтың қалтасына ауыр соғуда,- деп хабарлайды "Opennews.kz" ақпарат агенттігі. 
